粤语相声剧本《讲下喈》

来源:互联网 发布:近视眼训练软件下载 编辑:程序博客网 时间:2024/03/29 17:21

对广州相声艺术团一朋友的支持,特改编相声剧本送给正在学“游水”的他。

 

(醒木响)身后有余忘缩手,眼前无路就想回头。

要问富贵何时有,你看凡间争斗:

偷呃拐骗起家,勤恳两餐难求。

强抢豪夺立业,中中直直渣兜。

损人利己开大Ban,诚实公平骑铁牛。

我叫菩萨来打救,菩萨话:你俾翻几多报酬?

(醒木响)

定场诗一首。点解叫定场诗呢?因为啊,以前系剧场演出,到没上节目之前,好多人休息啊,斟茶递水上厕所,移灯换凳洗手食烟。哈哈,就甘一拍(醒木响),叫大家安静啦,到我上节目啦。俾大家一个提醒甘解。拿,坐定定啊。5好郁啊!生痔疮既除外。。

相声,一个人讲就叫做单口相声,亦叫做讲故仔,讲笑话。两个人讲呢就叫做对口相声。一堆人讲呢就叫做群口相声。今日我同大家讲一段。讲咩呢?

依家我地既生活节奏就越来越快啦。人人都要赶住去逼公交车上班落班。甘就催生左一个新既行业啦。哈,你无睇呢个行业为甘多人所不耻啵,距都要早出晚归,具有一定既技术性同危险性,有时仲要有团队意识同个人作战的勇气同魄力嘎。

除左呢D之外仲有无?当然有,人地话练武就刀枪剑棒斧钺钩叉,距地要练就钳剪夹拉,传推赖逃呢D本事嘎。系咯,讲左甘多,之5系小偷呢个行当咯。

你话你一上公交姐,好似死老鼠甘就系后面跟住你啦,特别个D带挎包既,如果俾个D小偷及中左,距地一瞄住时机,偷偷拉开你条链,或者用刀片戒开你个袋,有D仲用个成半米长既镊子伸入个袋到系甘夹。发现左距,距仲大声夹恶过你。

(模拟情景) “咩啊,咩啊!你睇咩啊!”

“(死死气甘)无野”

好多人米甘就算咯,多一事不如小一事。拿甘样米助长左呢D甘既不良风气咯。我地应该多D同呢D甘既歪风邪气势力作斗争,串翻距地转头。

“咩啊,咩啊,你睇咩啊!”

“(大声地)咩啊!你话咩啊!死贼仔!想偷我野啊!(双手作拿包状往外砸),(边说边又脚踢),我叫你偷阿拿,甘大胆!死你5死!(可加上李小龙动作,我今个月发得鸡碎甘多,你5好偷我嘎!)”

系咪啊,加埋大家有一种团结一致好似对待过街老鼠甘对抗贼仔既话,(笑住说:)相信和谐其实离我地5系好遥远既姐。。

讲起贼仔,拿前几日我以前住系老西关个旧邻居阿李姨米俾人偷左野。阿李姨就30几欧,有个仔,叫阿茂。阿茂就大概3,4岁甘上紧既姐。呢个细路就仲没翻幼儿园,牛牛豆豆甘,你话距傻咩,距又傻5晒,你话距好精灵咩,睇落去好好似差几两甘。

个日阿李姨话见甘好热头就话搞下卫生啦,顺便洗埋冬天既大镂啊,羽绒啊之类既等下就晾出门口啦。甘就话叫阿茂睇住。

“茂,阿茂。”

“咩事啊,妈咪。”

“拿,我晾住D衫系出面啊,你5去乱甘跌(跑),好好睇住D衫啊,米俾人偷左去啊!知道吗?”

(扭扭拧拧地)“哦”

甘阿李姨就晾完D衫翻左入屋搞清洁啵。

阿茂就成碌竹甘往住D衫啦,哈,你话距又5郁啵,就甘系度睇住,眼甘甘好似饮左猪肉汤甘。

呢个时候,系条巷度来左个女贼仔,睇距衣着光鲜,金发绿眼,打扮时尚甘喔,仲咩住个袋。大概有甘大度啦(用手比划,往大里比划),依家可能就系兴呢D哈,非主流。。哈哈,睇距个样真系好眉好貌生沙虱。。

距来到阿茂个度

喂,细路,系度做咩啊?

阿茂 “妈妈叫我睇住D衫无俾人偷喔~~

贼仔“甘你一个人睇住米好闷,不如我同你玩啊”

阿茂又5理距啵,贼仔就问距“细路,你叫咩名啊”

(死死气般)“我叫阿茂”

“哦,阿茂啊,不如我地一起玩啦。好5好啊,拿,我睇下你有无礼貌先,无礼貌既话5准返学嘎,你叫声我啦”

阿茂“姐姐”

贼仔“拿,我姓广,叫夏姐,你就叫我讲广夏姐啦”

“哦”

“拿,我叫你啦啵,阿茂。你叫我啦”

“哦”

“叫我啦,广夏姐。叫啦,5叫话老师听5俾你返学,叫我啦,我叫广夏姐,叫啦”

“哦,广夏姐”

贼仔“阿茂。(停顿) 叫我啦,叫啦”

“广夏姐”

贼仔“系啦,阿茂,(停顿)叫我啦!

“讲夏姐”

贼仔 “阿茂”

“广夏姐”

个时,贼仔就伸手去拿个件羽绒跟手塞入个袋度。(夸张地作拉开袋塞入去动作)

“妈咪。。。(夸张地),距,距拿走左件衫啊。。”

个师奶系入面做紧野,“边个啊?”

“广夏姐!”

“衰仔,睇好D衫啊,等阵5见左你就知死”

个贼仔又塞左件大镂入左去个袋度,哇~~~~,个袋都几塞得下啵。。哈哈

“妈咪。。。(夸张地),距,距塞左件大镂啊!”哈,个靓仔仲识呢件系大镂

“边个啊?”

“广夏姐。。”

“哈,正衰仔,一尾车大炮系咪啊。好好地望住。5好乱甘郁啊!”

等阵,阿李师奶,阿李太出来度一望,D厚衫全部无晒,阿茂仲系度茂下茂下甘企住系个度。

“衰仔,个D衫点解5见左既,系咪俾人偷左啊。整蠢仔来嘎,甘都俾人偷到,真激气。边个偷左去啊,你知5知啊”

“广夏姐。。”

(作拿树枝打小孩状)“我叫你睇住D衫,你仲系度讲下喈,讲下喈阿拿。。”()

                                                                                                                              改编自马老的《逗你玩》