心情6--2010.08.31

    早兩日，因為班長要走，我哋出去玩，晚黑飲咗啲酒，有D暈暈哋，又因為之前呢打咗個電話卑mayball，后尾佢打返卑我，就同佢傾咗一陣。我講咗D我以為自己唔會同人講嘅話，即係同大花見番面之後嘅感覺【覺得佢好似鍾意咗我】講咗卑佢聽，其實都冇乜嘅，我同佢巴老都係乜事都講嘅，但係今次唔知點解，我星期一醒咗之後就覺得好後悔，覺得唔應該講卑佢聽。唔知幾時開始，我同佢之間就好似隔著D嘢咁，可能就係上次嫲嫲果件事（就算到咗宜家，我都覺得係佢唔啱，佢係就係巴老都任性，任性都算啦，仲要係關係到我屋企人tim，呢件事真係好嬲）。重有果晚，佢同我講其實DJ經已覺得我好古怪，我話點解，佢話因為我唔去睇乾媽啦，因為一D我對大花嘅諗法，佢都覺得好‘神’，我聽到就覺得好難受，翳住翳住，點解喎，點解可以將我嘅心事咁樣就講卑人聽喎。就算係你好親密嘅人，唔代表都係我好親密嘅人架~！！！重有重有，果日，我同你講我想去搵自己嘅世界，你轉過頭就同佢講咗，重係話我想開創一片新天地，乜我有咁講過咩？總之，喺你面前，好似真係凈可以扮演傾聽者嘅角色，喺你身上真係突然之間搵唔到信任感了。。。

    呢排都唔知點解咁燥，可能係迷失咗自己掛，真係唔知自己想點，可以點，唔知要點做自己，唔知要行去邊，太多太多嘅唔知。。。我諗宜家真係到咗人生好重要好重要嘅交叉路口，我站喺度唔知應該點樣前進，唯有原地踏步，但係時間唔會為我停留，我自己亦都唔可以停留，究竟我想要嘅人生係點樣嘅？咁究竟我以後又會點呢？我宜家應該點做呢？宜家真係乜都唔知了，但係宜家開始，我要尋找，我要好好思尋自己嘅未來，自己嘅後路，gan ba dei···