楊受成唔識劉浩龍:居心叵測！

容祖兒與劉浩龍（師兄）相戀，不被好友何韻詩接受，更不獲老闆祝福。楊受成昨開腔揶揄師兄太早張揚戀情魯莽又太笨，言語間暗示此舉別有用心，似乎對師兄頗有微言，為祖師戀增添變數。

前日坦認戀上劉浩龍的容祖兒，昨午殘爆返回英皇在灣仔的總部開會，未幾其老闆楊受成離開公司，問到可贊成祖兒拍拖？他說：「佢鍾意我就鍾意。」有指二人知名度不同層次，楊受成說：「感情唔係分等級同財富，唔好用呢啲嘢比較。」隨即上車離去。

  

及後楊受成折返再談祖師戀：「最緊要祖兒開唔開心，對方係咪真心鍾意佢，亦對佢好，我哋都開心，錫佢嘅人開心，佢啲歌迷都開心，希望對方錫佢係冇其他目的。」他又稱很擔心祖兒：「我哋咁錫佢，梗係擔心佢，希望祖兒本人揀到佢真正伴侶。」

師兄道歉

此外，師兄昨午在馬鞍山出席新劇活動時，主動為日前擺款迫劉心悠淋雨事件，彎腰鞠躬道歉：「嗰日有小小誤會，記者朋友俾雨淋，晨早嚟到又做唔到訪問，唔好意思。劉心悠喺雨中出出入入，令到呢個女仔淋到雨，有少少尷尬，我亦希望同心悠講聲唔好意思。」又否認自我升呢扮大哥，並保證以後不會有同類事發生。提到與天后女友的事業差距，師兄說：「我自己同自己都有距離啦，我要追番咁多年東西，希望努力把握贏到自己先，唔好同人比較。」再謂與何韻詩永遠是好朋友。

按我:更多容祖兒劉浩龍有關消息