2006.11.19

 

 

呢几日真系好开心.

11.17..

同咗阿占去小筑食大餐..

N年前已经想同佢黎撑抬脚噶喇..

之后就过咗江南西搵DIY蛋糕店.

PS:佢父母12.1结婚周年纪念.我哋谂住亲手整个蛋糕贺两老.

最后都系搵唔到..

行翻屋企途中.

因为觉得饿饿地.所以上咗宝丽金饮夜茶..

哈哈..第一次单独饮茶啊..!

走嘅时候.占随手拿起张酒席餐单.

我哋就搵咗间士多作进一步研究喇..

虽然有D言之过早..但系我真系想同佢有呢一日.

同佢结婚.生小朋友.老咗互相扶持.一直一直幸福落去.

我同你.都等紧呢一日.对吗?..

 

11.18..

同咗阿占去西门口食饭.途中落大雨..

噢..变湿水榄核了..

讲翻食饭嗰度吖.其实系几有名嘅一间羊肉火锅店-"清汤羊"..

不过势估唔到.居然甘难食..我地食到扯火啊.争D..

之后就过咗上九行街.占忽然间成个大细路甘.话要买电动飞机喔..

所以就同咗佢去上九嘅玩具店睇啦.

最后都搵唔到.佢又系都要买喔.所以就约定听日去一德路"寻飞机"喇..

 

11.19..

今日系我地重拖两个月嘅重大日子.

不过占居然唔知喔..

哎.梗系啦..我同佢散过无数甘多次.佢边会有心记住吖...

不过佢都好识做.晨早就过黎我屋企搵我.(我完全唔知情噶.!)

哈..佢好耐都无黎我屋企喇..

之后就同咗佢过一德路..

飞机系就系搵到.不过好贵.佢唔舍得买啊..

我地就决定过珠泳搵钓虾场.(我地今日嘅主要行程之一.)

点知我地搵啊搵..搵到去美院嗰边都无喔.

我地就放弃咗.过翻解放南嗰边搵飞机.

皇天不负有心人..终于比我地搵到喇.价钱仲几合理添..(我都买咗副层层叠啊.)

晚上就同咗佢过大为营食自助餐.好耐无食过喇.好味..

加上今次系我第一次同佢去食自助餐.份外开心啊..!

食饱饱之后.就坐船过河北.搭车游车河..

嗯嗯..今日好冻啊.好彩有佢系身边炸..

 

冬天终于都来临喇.

望我们不会分开.

能紧紧的.紧紧的抱着...